У 2024 годзе будуць працягвацца работы ў палацавым комплексе роду Сапег у Ружанах. Пра гэта паведамілі ў Брэсцкім аблвыканкаме і нагадалі, што палац з’яўляецца адным з аб’ектаў са спісу гісторыка-культурных каштоўнасцяў краіны.
У будучым у Ружанах плануецца стварыць шматфункцыянальны комплекс, у тым ліку гасцініцу і кафэ. Новае жыццё палац атрымаў у 2008 годзе, калі пачалося аднаўленне флігеляў. Зараз рэстаўратары працуюць над усходнім ці тэатральным корпусам.
Таксама ў 2024 годзе будзе працягнута рэстаўрацыя неагатычнай капліцы-пахавальні роду Ажэшкі XIX стагоддзя. Яна знаходзіцца ў аграгарадку Закозель Драгічынскага раёна і таксама мае гістарычную каштоўнасць.
