Прадпрымальнік наўмысна завышаў паказчыкі прабегаў грузавых аўтамабіляў

Прадпрымальнік з Пінска наўмысна завышаў паказчыкі прабегаў грузавых аўтамабіляў. На мужчыну завялі крымінальную справу за ашуканскія дзеянні і прычыненне ўрону ў асабліва буйным памеры.

Падчас судовага следства высветлілася, што абвінавачаны неаднаразова ўносіў выпраўленні ў ведамасці маршрутаў. Са студзеня 2022 года па сакавік 2023 года ён указваў недакладныя звесткі ў транспартных дакументах. Такім чынам прыдпрымальнік наўмысна завышаў паказчыкі прабегаў грузавых аўтамабіляў пры перавозцы прадукцыі суб’екта гаспадарання.

Акрамя таго, ён неаднаразова пазначаў заведама недакладную інфармацыю пра кошт аказаных ім транспартных паслуг. Хлуслівыя звесткі былі занесены ў акты выкананых работ, пасля чаго выстаўляліся для аплаты. Усяго шляхам падману абвінавачаны завалодаў сродкамі на суму не менш як 200 тысяч рублёў прадпрыемства.

Мужчына прызнаў сваю віну і кампенсаваў нанесеную шкоду ў поўным аб’ёме. Яго судзілі ў Пінску на падставе часткі 4 артыкула 209 Крымінальнага кодэкса Індывідуальнаму прадпрымальніку прызначылі пакаранне ў выглядзе пазбаўлення волі тэрмінам на 4 гады. Таксама прыйдзецца сплаціць штраф памерам 300 базавых велічыняў (12 тысяч рублёў).

На падставе часткі 2 артыкула 77 Крымінальнага кодэкса суд ужыў адтэрміноўку выканання асноўнага пакарання на 3 гады. Прысуд у законную сілу не ўступіў: ён можа быць абскарджаны і апратэставаны ў апеляцыйным парадку.

Чытайце таксама:

В Барановичах судили парня за кражу парогенератора