У гаспадарках Брэсцкай вобласці зерне крадуць у буйных масштабах

У гаспадарках Брэсцкай вобласці зерне крадуць у буйных масштабах. Так, супрацоўнікі міліцыі правялі рэйдавыя мерапрыемствы ў Кобрынскім раёне. Там яны наведалі месцы жыхарства трох работнікаў аднай з гаспадарак і знайшлі шмат збожжа.

Высветлілася, што больш як 1300 кілаграмаў зерня вяскоўцы планавалі выкарыстоўваць у асабістых мэтах. Цяпер па гэтых фактах праводзяцца праверкі, а выкрадзенае збожжа перадалі на захоўванне ў сельгаспрадпрыемства.

У Пінскім раёне таксама ладзілі санкцыянаваны агляд ў адной з вёсак, дзе пражывае работнік аграгаспадаркі. У гаражы вяскоўца выявілі больш за 1000 кілаграмаў збожжа: мужчына планаваў яго выкарыстоўваць самастойна. Аналагічны выпадак зафіксаваны ў Столінскім раёне па месцы жыхарства 52-х і 47-гадовых вяскоўцаў. Яны працуюць кладаўшчыком і механізатарам аднаго з сельгаспрадпрыемстваў раёна. Падчас санкцыянаванага агляду раёна ў гэтых людзей былі знойдзены больш за 1500 кг пшаніцы і больш за 600 кг кукурузы.

Гэтая знаходка стала падставай для узбуджэння крымінальнай справы за растрату. Санкцыя артыкула прадугледжвае максімальнае пакаранне ў выглядзе пазбаўлення волі на тэрмін да пяці гадоў. Таксама можа быць штраф і пазбаўленне права займаць пэўныя пасады.

Яшчэ адно здарэнне адбылося ў Маларыцкім раёне, дзе супрацоўнікам  аддзялення аховы паступіла паведамленне аб крадзяжы. Гэты выпадак адбыўся на адным з прадпрыемстваў АПК. У выніку падчас санкцыянаванага агляду па месцы жыхарства ў 48-гадовай загадчыцы знайшлі шмат цікавага. У жанчыны канфіскавалі 57 мяшкоў збожжа трыцікале агульнай вагой амаль 3 тоны.

У падобнай сітуацыі апынулася жыхарка Кобрынскага раёна, якую таксама падазравалі ў крадзяжах маёмасці сельскагаспадарчай арганізацыі. У гаспадарчай забудове, што належыць 55-гадовай жанчыне, супрацоўнікі РАУС знайшлі 200 кілаграмаў збожжа трыцікале. Гаспадыня патлумачыла, што працуе ў сферы АПК і на працягу пэўнага часу выкрадала трыцікале невялікімі партыямі.Па дадзеным факце праводзіцца праверка.

Чытайце таксама:

Тракторист в Столинском районе слил почти тысячу литров солярки