Першы беларускі беспілотны трактар трапіў да студэнтаў з Брэста

Першы беларускі беспілотны трактар BELARUS 3523i трапіў да студэнтаў з Брэста: тут ён праходзіць выпрабаванні. Трактар-беспілотнік перадалі для навуковых даследаванняў у Брэсцкі дзяржаўны тэхнічны ўніверсітэт. Чакаецца, што студэнты гэтай навучальнай установы распрацуюць для навінкі ад МТЗ праграмнае забеспячэнне.

Інавацыйная распрацоўка Мінскага трактарнага завода з’яўляецца сумесным прадуктам канструктараў МТЗ і вучоных Аб’яднанага інстытута машынабудавання Нацыянальнай акадэміі навук. Зараз трактар перададзены ў БрДТУдля правядзення навуковых даследаванняў. Як лічаць стваральнікі праекта, гэта будзе садзейнічаць павышэнню якасці і эфектыўнасці падрыхтоўкі кадраў для АПК. Такая падрыхтоўка адбываецца ў рамках рэалізацыі канцэпцыі “Індустрыя 4.0”.

Загадчык вучэбнай навукова-практычнай лабараторыі “Прамысловая робататэхніка” БрДТУ Валерый Касьянік распавёў, пра мэты праекта:

— Нам трэба будзе распрацаваць праграмнае забеспячэнне для функцыянавання падсістэм трактара з актыўным уцягваннем у гэты працэс студэнтаў. Праект мае на ўвазе вырашэнне цэлага комплексу складаных задач — ад навігацыі да бяспекі пры выкананні сельскагаспадарчых аперацый.

Распрацоўка праграмнага забеспячэння для распазнання рухомых і нерухомых аб’ектаў мае прыкладны змест пры выкананні сельскагаспадарчых работ стане. Яна будзе адной з першых практычных задач, што мусяць вырашаць ў Цэнтры кампетэнцый “Прамысловая робататэхніка і лічбавы інжынірынг”.