Аляксандр Саладуха на канцэрце ў Жабінцы аншлагу не сабраў

Інтыгуючая афіша з назвай “Мы живы!” не прыцягнула вялікай увагі да канцэрту 65-гадовага народнага артыста Беларусі. Жыхары Жабінкі і раёна паверылі на слова, што Саладуха жывы, і на канцэрт прыйшлі нямногія. Магчыма ў гэтым рэгіёне ў амаратараў музыкі іншыя куміры, альбо пашкадавалі 20 рублёў. Парваць зал 65-гадоваму спеваку аказалася няпростай задачай. Аншлагу не атрымалася – пустых месцаў ў зале было зашмат, улічваючы масштаб вядомасці гэтагага спевака.

А акрамя Аляксандра Саладухі, прыехалі яго два сыны Антон і Аляксандр, аўтар, выканаўца сваіх песен Цімур Прахін і салісты групы “Элемент”. Ад сбораў на такіх канцэртах, як у Жабінцы, наўрад ці можна атрымаць прыстойны даход. Добра, як агулам сабрана 2-2,5 тысячы рублёў за канцэрт на усіх з рознымі выдаткамі. Плацілі там самі людзі, як, як часта бывае дапамаглі прафсаюзы, справа дзясятая.

Лічыцца, што зоркі зарабляюць вельмі шмат грошай. А па мерках не самых папулярных замежных артыстаў, у тым ліку расійскіх, даход Саладухі, а па яго словах мінулыя гады было каля 100-150 тысяч долараў за год, зараз даход ад канцэртаў – мізерны. Такія сумы і значна болей замежныя зоркі эстрады, не кажучы пра акцёраў, зарабляюць за адзін канцэрт. І нават у Расіі ганарар аднаго вядомага спевака за адзін канцэрт складае ад 50 да 100 тысяч долараў.  Вядома ж, масштабы не тыя…

Але Аляксандр Саладуха не здаецца і пакуль не збіраецца пакідаць сцэну. У Жабінцы, па яго словах, ён і прэзентаваў 14 сольны альбом пад назвай “Мы живы!”, які запісваўся з 2021 па 2022 гады. А да свайго 66-годдзя, якое плануецца 18 студзеня 2025 года, Саладуха рыхтуе 15 сольны альбом. І некаторыя песні з будучага альбома, народны артыст прэзентаваў жыхарам Жабінкі.

«Залаты голас Беларусі» не кідае спроб быць папулярным

Артыст ужо амаль 40 гадоў выступае на сцэне. На пачатку сваёй творчай кар’еры Аляксандо Саладуха быў  вельмі падобным знешне да Ігара Талькова. Але напрамак беларускі артыст скіраваў да папулярнай музыкі, якую ў народзе называюць папсой.

Артыста Саладуху ведаюць, напэўна, амаль усе не толькі па хітах папсовых песен “Здравствуй, чужая-милая” і “Там, где зреет виноград”. Зорка эстрады не раз праяўляў крэатыў і здзіўляў публіку, здымаючыся ў рэкламных роліках у ружовай вопратцы з крыламі анёла і стралой “кахання”. Хтосьці жартаваў, што Саладуха “ружовы Купідон”. Таксама ён рэкламаваў стаматалагічныя паслугі, дэманструючы свае новыя зубы.

Культурныя крытыкі казалі, што артысту ў такім узросце трэба неяк падтрымоўваць вядомасць і часцей “свяціцца” на публіцы, шакіраваць гледачоў, каб падтрымліваць папулярнасць. Але былая папулярнасць, як не старайся, адыходзіць. І гэта адчувалася, гледзячы на канцэрт у Жабінцы Брэсцкай вобласці.

Саладуха бяспрэчна мае сваю ўнікальнасць і адментасці, чым не вылучаюцца іншыя зоркі поп-музыкі. Усё ж дабрыня яго, як чалавека, відавочна. Аляксандр Саладуха пасля канцэнта не пакідае зал ці фае да апошняга свайго паклоннік, які хоча з ім сфатаграфавацца ці атрымаць аўтограф. А яшчэ артыст вядомы ў журналісткім асяродзі тым, што нават карэспандэнтам-пачаткоўцам не адмаўляе даваць інтэр’вью.

У сетцы інтэрнет з’явілася відэа з канцэрта ў Жабінцы з аматарскай здымкай. Людзей малавата ў зале, але відаць, што многім, хто прыйшоў, песні Аляксандра Саладухі падабаюцца. Таму яго 15 сольны альбом нехта можа і купіць.